Frábært Óli FRÁBÆRT

Ég er hreinlega ekki að skilja hversvegna þessi maður er landsliðsþjálfari. Mér finnst hann hreinlega ekki standa undir væntingum. Hann talar oftar en ekki um að svona æfingaleikir séu tilvaldir til að skoða leikmenn en samt sem áður gerði hann ekki nema heilar 4 skiptingar í leiknum og þar af voru það 2 leikmenn sem hafa spilað þó nokkra leiki með landsliðinu og svo fékk Garðar heilar 8 mínútur og Atli Viðar 4 mínútur... HVERNIG ER HÆGT AÐ ÆTLAST TIL ÞESS AÐ MENN GETI SÝNT SIG OG SANNAÐ Á ÞEIM TÍMA.

 Annað sem ég skil ekki og það er kannski ástæða þess að ég er ekki landsliðsþjálfari en hvernig stendur á því að Pálmi Rafn sé hvað eftir annað að fá tækifæri (Fyrirgefðu Pálmi þetta er ekki persónulegt) en því miður er það bara þannig að við eigum betri leikmenn en Pálma. Hvernig stendur á því að leikmaður Coventry Aron Einar sem er hvað eftir annað hrósað af blaðamönnum í Bretlandi og sagt að hann eigi eftir að vera stórnafn í ensku úrvalsdeildinni að hann er bara varamaður hjá Íslenska liðinu. Það sást greinilega í kvöld hvað þessi strákur getur breytt gangi leiks. Hann átti frábæra spretti og á klárlega að vera í liðinu.

Eins skildi ég ekki alveg valið á Ólafi Inga í byrjunarlið, hann sá ekki neitt í leiknum sökum þess að hann var að reyna að vera fallegur á velli með sitt síða hár sem var alltaf að flækjast fyrir andlitinu á honum. Vissulega baráttuglaður strákur en fannst hann ekki ná sér á strik í sendingum og hugsun á velli.

 Emil Hallfreðson átti ekki sinn besta leik og getur mun meira en hann sýndi í kvöld, tók illa á móti bolta, átti slakar sendingar en hann er klárlega okkar maður á vinstri vængnum, þarf bara að taka sig aðeins til í andlitinu og koma inn keppnisskapinu og sýna að hann er þess virði að spila í alvöru liði.

Ég var ánægður með framlag Eiðs Smára, hann var duglegur og var að reyna, hann datt reyndar nokkrum sinnum í það að pirra sig á dómurum og reyndi í eitt sinn að kenna aðstoðardómara hvernig ætti að vera á línunni. En heilt yfir fínn leikur hjá honum, því miður fyrir hann að aðrir leikmenn eru ekki að spila í sama klassa og hann.

 Mér fannst vörnin standa sig vel, Sölvi og Kristján stóðu sig virkilega vel, set spurningarmerki við markið sem við fengum á okkur þar sem miðjan opnaðist en góðir annars.

Indriði og Grétar voru fínir og sókndjarfir eins og bakverðir eiga að vera og verður Óli að halda þeim inni. ÉG VILL EKKI FÁ BJARNA ÓLAF Í BAKVÖRÐINN.

Heiðar Helguson var ágætur, þarf að nýta færin betur, hrikalegt að ná ekki að klára færið á 6.mínútu leiksins en hann var eins og áður segir ágætur.

 Ég vill sjá breytingar fyrir Noregsleikinn, ég myndi vilja sjá vörnina með Hermann inni og Sölvi á bekkinn, annars eins

Miðjan á að vera Eggert Gunnþór, Brynjar og Aron

Kantar Veigar Páll á hægri og Emil vinstri

Eiður fyrir framan miðjuna og Heiðar frammi

En þetta er bara mín skoðun

Taphrinu Íslands lauk gegn Slóvökum í Laugardalnum

Athugasemdir

[Halldór Jóhannsson, 12.8.2009 kl. 22:50]

Það vantar sjálftraust í liðið segja þeir...á þá ekki að sleppa að velja menn sem eru í landsliðinu ALLTAF  ...sama hversu dapurt  margir  þeirra spila..... og þá leikmenn sem lítið spila og þá menn sem eru alltaf að tapa með liðum sínum undanfarið eins og Bjarna Ólaf Valsmann  og fl....Úr því að landsliðið hefur verið að tapa mikið undanfarið...

Velja og láta Atla Viðar,Baldur Sig..og fleiri hér heima sem eru á blússandi sjálftrausti spila...og eru góðir...Heðar Helguson leggur sig alltaf 110 % fram..eltir hvern einasta helv..bolta..

Ég vil ekki Bjarna Ólafs...Pálma Rafn.. Emil ...og fl...svosem...þeir td hafa ekki verið að spila vel með landsliðinu undanfarið...

sem og Eið...Það á alltaf allt að snúast kringum Eið...hinir mega ekki taka skarið sjálfir...menn fá ekki sjálfstraust ef þjálfari treystir engum nema Eið til að gera hlutina..

Með fullri virðingu fyrir öllum leikmönnum sem ég er ekki sáttur við...og þetta er bara mín skoðun...

[Hilmar M (IP-tala skráð) 13.8.2009 kl. 00:07]

Óli er bara langt frá því að vera á réttri leið með þetta lið. Ég vil meina að liði sé að verða daprara með hverjum leiknum. (seinni hálfleikur í dag reyndar ágætur ). Óli er búinn að fá sirka tvisvar sinnum fleiri leiki en forveri hans en samt sjást engin batamerki! Þvert á móti þá verðum við verri. Það var þó allavega alltaf hægt að treysta á stórleiki og óvænt úrslit þegar stóru liðin komu ( jafntefli við Frakka, sigur á Tékkum, sigur á Ítölum, 2 jafntefli við Spánverja ) en núna síðast þegar Holland kom þá var sorglegt að fylgjast með íslenska liðinu. Áttum aldrei breik.

Svo er hann Óli svo leiðinlegur að hann nær ekkert að smita útfrá sér áhuga. Völlurinn hálftómur og engin stemning. Tólfan var ekki einu sinni á svæðinu. Það er nú orðið helvíti slæmt ef þeir nenna ekki að mæta lengur!!

Burtu með Óla strax!

[kári (IP-tala skráð) 13.8.2009 kl. 01:26]

Það þarf náttúrulega að spila með aðalliðið til að halda þeim í formi, það þýðir ekkert að skella alltaf bestu leikmönnunum samann bara í leikjum sem skipta máli, þannig að liði var fínt hjá ólafi. Aron einar var líka hræðilegur í síðasta landsleik, fínt að gefa öðrum tækifæri.

En fyrir utan þetta er ég alveg sammála þér, það þarf breytingar, það þarf menn sem skoða "litlu" þjóðirnar sem hafa náð góðum árangri. Með byrjunarliðið, eins og þú stillir upp og almennielga takít, reynslumikinn þjálfara o.s.f ættum við að vera í baráttunni um 2 sætið í riðlinum okkar!

[Leifur Finnbogason, 14.8.2009 kl. 01:27]

Frá þeim stað sem ég sat í stúkunni horfði þetta allt öðruvísi við. Vorum við að horfa á sama leik?

Ég tók mikið eftir Ólafi Inga og var ánægður með hann, ég tók nánast ekkert eftir Eiði sem var bara á röltinu nánast allan leikinn á meðan Heiðar, framherjinn, bakkaði. Þetta var ekki besti leikur liðsins en þannig er það.

Eitt enn, slakur í að skoða leikmenn? Heldurðu að hann velji bara ákveðið marga leikmenn og dömpi þeim svo beint inná? Hann fær nóg af tækifærum til að skoða leikmenn up close á æfingum fyrir leikina.

Voðalega einblínið þið allir á stigafjöldann annars. Þó við séum ekki heimsmeistarar (what? afhverju megum við það ekki mamma?) þá er það vel skiljanlegt. Liðið er á leiðinni í rétta átt og persónulega finnst mér að Óli eigi vel skilið eina undankeppni í viðbót. Eftir það má fara að dæma hann.

Eða vilt þú kannski bara vera ráðinn? Þú myndir eflaust gera þetta mikið betur.